OBRADOIRO DE ADESTRAMENTO CONTEMPORÁNEO DE INVESTIGACIÓN

ADESTRAMENTO CONTEMPORÁNEO E INVESTIGACIÓN con Esther Latorre

Taller dirixido por Esther Latorre, co-directora e intérprete da Cía. Colectivo Glovo, que compartirá o seu entender do movemento e da interpretación con diversos exercicios e secuencias de acción para o adestramento corporal dos participantes.

Como entendemos o corpo?

Que ferramentas sensoriais e expresivas posuímos?

Baixo estas premisas estarán expostas as xornada de traballo nas que nos mergullaremos nas posibilidades corporais e enerxéticas xenuínas de cada quen para poder ampliar o rango de coñecemento de nós mesmos.

Traballaremos a partir de frases coreográficas para a preparación do corpo e movementos de danza contemporánea co fin de aumentar a nosa percepción corporal, gañando ritmo e lixeireza durante a actividade, partindo desde un quecemento conxunto.